أنا مش معلقة لك مشنقة بتكدب ليه

عادة لما بكلم حد وما يردش عليا، مابموتش ولا بعتبر عدم الرد تغيراً جذرياُ فى مسار حياتى. إلا انى دائما أسمع ردود مزعجة جداً كتبرير

1. أصلى لسه مدفعتش الفاتورة فكانوا قاطعين الخط عليا
2. أصلى مسمعتوش
3. كنت مع ماما فى مشوار
4. ساعة ماكلمتينى كنت مشغول قوى
5. معلش
6. أنا كنت على المحور
7. موودى كان وحش قوى امبارح

كل ده من غير ما أسئل، كنت فين ساعة ماكلمتك. بس فى ناس بتحب تبررعلشان عارفين انهم غلطنين

لما انت مبتعرفش تطير.....

مرة.حمار ونسر..إتفقوا إنهم يسافروا بالطيارة...وهم في الطيارة النسر داس على الزرار فجات المضيفة..
قالت له عايز ايه...؟
قال لها النسر بتعولق..
وعملها النسر مره ثانية وثالثة بنفس الطريقة...الحمار عمل زى النسر..

إشتكت المضيفة للكابتن قالت فية إثنين بيعاكسوني
قال لها ..إفتحي الشباك وإرميهم...

لما رمتهم المضيفة..
الحمار قال للنسر حنعمل ايه؟
النسر قاله حنطير بتعرف تطير؟
قال الحمار لا ...
قال النسر لما إنت مش بتعرف تطير بتتعولق ليه؟؟؟


النكتة دى مقدمة منطقية واستهلال لابد منه

وللحديث بقية

SMS

تخرج من المكتب متجهة إلى الكافتريا. تمر عبر الوراق لتجده خارج غرفة الإجتماعات ويقف محاطاً بمجموعة من الزميلات.تصل الى خمسة ترفع يدها بالتحية وتمضى فى طريقها.

لم يسلم فكرها من أسئلة مثل "فى شركة لا تتعدى نسبة الإناث فيها 15% كيف تجمع خمس منهن حوله فى هذه الدقيقة بالذات؟" "هل تعمد أغاظتها بأى حال من الأحوال؟" "لماذا كل هذه الشعبية؟"

تاخذ كوب القهوة وتخرج لتجده يجرى بإتجاه غرفة الإجتماعات فتجرى يدها بحركة تلقائية إلى التليفون المحمول و تكتب:

"إيه الوقفة الجامدة دى والمزز حوليك؟"

يأتها الرد:

"إنت كمان وحشتينى ، أنا عاجبنى التايير اللى إنت لابسه النهارده قوى"